Mexhiti: BDI nuk e riktheu as Skënderbeun në Kalanë e Kërçovës gjatë 24 viteve në pushtet

Bashkëkryetari i VLEN-it, Izet Mexhiti, ka marrë si shembull Komunën e Çairit për mënyrën se si, sipas tij, duhet të realizohen procedurat për emërtimin e rrugëve.

Ai në një prononcim për Zyrtare tha se në Shkup janë miratuar mbi 100 emra rrugësh në përputhje me të gjitha procedurat ligjore dhe se vetëm në Çair mbi 70 rrugë mbajnë emra të figurave shqiptare.

“Qytetarët i kanë këta emra në letërnjoftime, në pasaporta dhe në të gjitha dokumentet zyrtare. Edhe unë në pasaportën diplomatike e kam adresën ‘Isa Boletini’, ndërsa më parë ka qenë ‘Luba Ivanoviç'”, deklaroi Mexhiti për Zyrtare.net.
Sipas tij, vendimet e miratuara sipas procedurës së plotë nuk mund të rrëzohen nga asnjë institucion.