Debati i vitit 2024 me Trumpin, Jill Biden: Mendova se Joe po pësonte goditje në tru!

Ish-Zonja e Parë e SHBA-ve, Jill Biden, ka bërë rrëfyer se ajo ishte frikësuar se bashkëshorti i saj, ish-presidenti Joe Biden, mund të pësonte një goditje në tru gjatë debatit presidencial të vitit 2024 kundër Donald Trump-it.

Në një intervistë për CBS News, Jill Biden deklaroi se gjatë debatit kishte frikë se i shoqi po pësonte një goditje në tru, kjo për shkak të gjendjes së tij të pazakontë në skenë dhe performancës së dobët.

“Isha shumë e frikësuar. Nuk e kisha parë kurrë Joe-n në atë gjendje, as më parë dhe as më pas”, u shpreh ajo. “Teksa e shikoja, mendova: ‘O Zot, ai po pëson një goditje në tru’.”

Debati i zhvilluar në qershor 2024 shkaktoi reagime të forta në SHBA, pasi Biden u shfaq i pasigurt, me zë të ngjirur dhe në disa momente duke humbur fillin e mendimit. Performanca e tij ngriti shqetësime të mëdha brenda Partisë Demokratike për aftësinë e presidentit për të vazhduar garën elektorale.

Pas presionit të vazhdueshëm nga demokratët dhe kritikave në media, Joe Biden vendosi të tërhiqej nga gara presidenciale dhe të mbështeste kandidaten demokrate, Kamala Harris.

Në intervistën që pritet të transmetohet e plotë të dielën, Jill Biden thotë se ende nuk e di çfarë ndodhi realisht gjatë atij debati, por momenti ishte ndër më të vështirët për të.

Ndërkohë, debati i vitit 2024 vazhdon të konsiderohet një nga momentet kyçe që ndryshoi rrjedhën e zgjedhjeve presidenciale amerikane.