Bashkësia maqedonase në Shqipëri kërkon formimin e 2 komunave të tjera

Një shoqatë e maqedonasve etnik në Shqipëri i ka bërë thirrje kuvendit për krijimin e dy komunave të tjera në lindje të vendit.
Shoqata “VMRO-DPMNE – Shqipëri”, e cila mban emrin e partisë më të madhe në Maqedoninë e Veriut, tha gjatë fundjavës se ia ka paraqitur kërkesën kuvendit shqiptar, pasi partitë politike janë gati të hyjnë në bisedime për një ligj të ri mbi komunat.

“VMRO-DPMNE – Shqipëri ka paraqitur një kërkesë zyrtare Komisionit Parlamentar për Reformën Administrative-Territoriale në Tiranë, duke kërkuar formimin e dy komunave të reja – Golobrdo dhe Gora”, tha shoqata në një njoftim për shtyp përmes Facebook-ut.

“Kjo kërkesë është një hap serioz drejt njohjes institucionale të nevojave reale të popullsisë në këto zona dhe garantimit të të drejtave të tyre të garantuara kushtetuese”, tha shoqata.
“Është koha që institucionet në Shqipëri të tregojnë se parimet e barazisë dhe mosdiskriminimit vlejnë për të gjithë. Është koha që Golobrdo dhe Gora të marrin atë që meritonin prej kohësh. Kjo kërkesë nuk është një formalitet politik – kjo është një mundësi historike për të ndrequr një padrejtësi të gjatë”, thuhet në njoftimin për shtyp.

Kërkesa vjen disa javë pasi përfaqësuesi i shoqatës u takua në Shkup me Sekretarin e Përgjithshëm të VMRO-DPMNE-së, Dragan Kovaçki.

Kreu i VMRO-DPMNE-së dhe Kryeministri i Maqedonisë së Veriut Hrisijan Mickoski do të jetë në Shqipëri dhe do të vizitojë bashkësisë maqedonase në komunën e Pustecit, në lindje të Shqipërinë.
Maqedonasit etnik në Shqipëri janë një pakicë e njohur zyrtarisht. Sipas të dhënave nga regjistrimi i vitit 2023, në Shqipëri ka rreth 2800 maqedonas etnik.

Deri në vitin 2017, Shqipëria kishte 373 komuna dhe më pas u reduktuan në vetëm 61, të shpërndara në 12 bashki. Bisedimet janë duke u zhvilluar midis partive në pushtet dhe atyre të opozitës për ta rritur përsëri numrin.