Abdixhiku për Ramën: Ka qenë kandidat i pavarur në listën e LDK’së

Kryetari i Lidhjes Demokratike të Kosovës, Lumir Abdixhiku, ka thënë se LDK’ja nuk ka koalicion me PDK’në në kryeqytet. Këtë deklaratë e dha pasi kryetari i Prishtinës Përparim Rama vendosi të bashkëqeverisë me PDK-në në këtë komunë.

Abdixhiku pas takimit me kryesinë, i pyetur nëse Rama është anëtar i LDK-së, është përgjigjur se “ka qenë kandidat i pavarur brenda listës së LDK-së”.

“Kryetarët e komunave kanë të drejtë të bëjnë marrëveshje për shumicën që ata konsiderojnë, po nuk mund të them se ne kemi marrëveshje me PDK-në. E kam komunikuar edhe me Bedri Hamzën këtë çështje, i kam thënë a s’kemi marrëveshje, jo s’kemi marrëveshje. LDK-ja nuk ka bërë marrëveshje me PDK-në, dua të qartësojë për publikun se ne nuk kemi marrëveshje. Ato janë marrëveshje të kryetarit të komunës me partitë tjera politike, por LDK me PDK nuk kanë”, ka thënë Abdixhiku.