Ramadani: Protestat studentore janë mrekulli, duhen mbështetur nga të gjithë

Profesori Blerant Ramadani ka shprehur mbështetje të hapur për protestat studentore, duke i cilësuar ato si një zhvillim pozitiv dhe të rëndësishëm për shoqërinë.

Në emisionin për Rishtazi ne KOHA, Ramadani theksoi se protestat e studentëve janë “një mrekulli” që ka ndodhur në javët e fundit, ndonëse sipas tij nuk po marrin vëmendjen e duhur publike.

Ai vuri në pah se një nga aspektet më të rëndësishme të këtij mobilizimi është konsolidimi i qëndrimeve përmes kuvendeve studentore, të cilat, sipas tij, duhet të promovohen më shumë.

“Shfrytëzoj rastin të jap një mbështetje publike. Është një mrekulli kjo që ka ndodhur këto javë, pasi shumë pak trajtohet, por duhet të promovohet – sidomos aspekti i konsolidimit të qëndrimeve të kuvendeve studentore”, deklaroi Ramadani.

Profesori apeloi që këto nisma të marrin mbështetje më të gjerë edhe nga qytetarët, duke shtuar se studentët përfaqësojnë të ardhmen e vendit.

“Duhet të mbështeten edhe nga qytetarët. I inkurajoj të vazhdojnë, pasi ata janë forca e të ardhmes”, theksoi ai./Zyrtare/