Ish-luftëtarja e UÇK-së: Bashkëluftëtarëve po u bëhet padrejtësi, pjesëmarrja në këtë marsh, mesazh për këdo që dyshon në rezistencën tonë

Ish-luftëtarja e Ushtrisë Çlirimtare të Kosovës, Shqipe Krasniqi tha se nuk kërkojnë mëshirë por “drejtësi të vërtetë, pa politikë”, për ish-krerët e UÇK-së që po gjykohen në Hagë për krime lufte dhe krime kundër njerëzimit.

Ajo tha se “drejtësia duhet të jetë e pandikuar”.

Krasniqi tha se pjesëmarrja e madhe e qytetarëve në këtë marsh është “mesazh për secilin që dyshon në rezistencën tonë”.

“Sot, bashkëluftëtarët e mi po përballen me padrejtësi nga Gjykata Speciale. Kjo na dhemb të gjithëve. Na dhemb sepse prek kujtesën tonë, prek sakrificën tonë”, tha ajo.