Aliu: Grubi nëse dëshmon pafajsinë mund të rikthehet fuqishëm në skenën politike!

Analisti politik Qenan Aliu në emisionin debativ ZOOM në RTVM2 përshëndeti vendimin e Artan Grubit për t’u kthyer për t’u përballur me drejtësinë. Madje Aliu vlerëson se ky rast mund të jetë pika e kthesës për të ardhmen e tij politike.

“Në kësisoj rastesh dhe për kësisoj profilesh të politikanëve, nëse ata arrijnë që të dëshmojnë pafajsinë, ata mund të rikthehen në skenën politike edhe më të fuqishëm”, theksoi Aliu në ZOOM. Ai apeloi për një proces transparent, jo selektiv dhe demokratik.