Si Izraeli s’i lë të qetë as palestinezët e vdekur

Ushtria izraelite, nën pretekstin e kërkimit të trupit të të burgosurit të fundit izraelit, kreu një operacion të madh zhvarrimi në lindje të qytetit të Gazës.

Siç pritej dhe siç është zakoni i tyre, Izraeli zhvarrosi afërsisht 700 trupa nga varret e tyre, pastaj i la të gjithë të shpërndarë dhe u larguan. Sot, pasi ushtria izraelite u tërhoq, familjet mbërritën në varreza për të rivarrosur të dashurit e tyre.

Varrezat ishin shkatërruar plotësisht, trupat ishin përzier së bashku brenda çantave blu, shumë të varrosur për të mbuluar krimin, ndërsa disa mbetën të ekspozuara në sipërfaqe. Kufomat dhe kockat ishin grumbulluar njëra mbi tjetrën, duke e bërë të vështirë identifikimin, pasi disa nga mbetjet ishin dekada të vjetra. Krimi nuk mbaroi këtu; Izraeli bombardoi anëtarët e familjeve ndërsa ata kërkonin varrezat e shkatërruara për mbetjet e të dashurve të tyre, duke vrarë katër dhe duke plagosur tre të tjerë – të afërm dhe të dashur të atyre që ishin varrosur dhe humbur nën tokë. Vetëm ata që e kanë përjetuar mund ta kuptojnë vërtet dhimbjen e humbjes së eshtrave të një të dashuri.

Ushtria izraelite ka shkatërruar 21 nga 60 varrezat në Rripin e Gazës gjatë dy viteve të fundit dhe ka vandalizuar sistematikisht varrezat dhe ka zhvarrosur varret në të gjitha zonat ku ka kryer ndërhyrje tokësore. Këto veprime kanë përfshirë shkatërrimin e varreve me buldozer, nxjerrjen e eshtrave dhe shtypjen e tyre me makineri ushtarake, gjë që ka çuar vazhdimisht në përzierjen, humbjen dhe zhdukjen e eshtrave, si dhe dëmtimin e varreve fqinje.

Nëse këto duken të pabesueshme, kur është fjala për Izraelin janë plotësisht të besueshme. Ajo që dallon këtë shtet kriminal, palaço e pervers, si dhe njerëzit që e përbëjnë atë, është mospasja e asnjë limiti etik e moral. Gjersa kanë vrarë profetët e Zotit, mund dhe bëjnë çdo gjë, sado e pabesueshme të duket. /tesheshi.com/