Jemi të sigurt, BDI-ja do të votojë “po”!

Pasi kryeministri Hristijan Mickoski reagoi fundjavën e kaluar se në takimin e liderëve, lideri Ali Ahmeti dha mbështetje të pakushtëzuar, dhe zëvendëskryeministri Aleksandar Nikolovski u tha se pret që BDI të “vjen në vete”, grupi parlamentar i opozitës njoftoi se do të ngrinin dy gishta nëse të premten do të ketë një seancë plenare për ndryshimet ligjore që lidhen me sistemin “Qyteti i Sigurt”, raporton SlobodenPecat, përcjell Portalb.mk.

Sistemi “Qyteti i Sigurt” do të jetë në gjendje të fillojë nga 1 shkurti, siç është planifikuar, sepse grupi parlamentar i Frontit Evropian, i udhëhequr nga BDI, do ta mbështesë atë dhe kështu qeveria do të sigurojë një shumicë prej dy të tretash që ndryshimet në Ligjin për Kundërvajtjet të kalojnë në Parlament.

Zgjedhja e një Avokati të ri të Popullit mbetet e bllokuar në Parlament, pasi Fronti Evropian nuk do të votojë për të propozuarin Faton Selami, duke kërkuar që ai të tërhiqet dhe të propozohet një i ri nga lista e kandidatëve të përcaktuar nga Komisioni i Zgjedhjeve dhe Emërimeve.

Ndryshe, kamerat “Qytet i Sigurt” të instaluara në udhëkryqet e Shkupit regjistrojnë automatikisht shkeljet e trafikut duke filluar nga 1 dhjetori. Ishte planifikuar që gjobat të fillojnë të zbatohen nga 1 janar 2026, mirëpo kjo është shtyrë për në 1 shkurt 2026. Synimi është që deri në vitin 2030 të zvogëlohet dhe të përgjysmohet numri i aksidenteve në trafik.