Ekipet e NP “Parqet dhe Gjelbërime” – Shkup në terren për pastrimin e borës

Reshjet e borës që nga orët e hershme të mëngjesit kanë përfshirë zonën e Shkupit, duke bërë që ekipet e Ndërmarrjes Publike “Parqet dhe Gjelbërime” të mobilizohen menjëherë në terren.

Sipas njoftimit, ekipet kanë nisur ndërhyrjet për pastrimin e borës nga shtigjet këmbësore përgjatë bulevardeve dhe në parqet e qytetit, me qëllim sigurimin e lëvizjes së lirë dhe të sigurt për qytetarët.

Njëkohësisht, po kryhet edhe heqja e borës nga pemët dhe shkurret në hapësirat e gjelbra, në të gjitha rajonet e Shkupit, për të parandaluar dëmtimet e gjelbërimit urban.

Nga NP “Parqet dhe Gjelbërime” bëjnë të ditur se ekipet do të vazhdojnë punën në terren edhe gjatë ditës, deri në normalizimin e plotë të gjendjes./zyrtare.net/