Demiri uron Isen Shabani për fitoren: Zgjedhjet përfunduan, por angazhimi im për Vrapçishtin vazhdon

Kandidati për kryetar të Komunës së Vrapçishtit, Zulhajrat Demiri, ka reaguar pas publikimit të rezultateve të zgjedhjeve lokale, duke falënderuar qytetarët që e mbështetën në këtë garë zgjedhore, përcjell ZYRTARE.net

Demiri shprehu mirënjohje për 3.135 qytetarët që votuan për ofertën e tij dhe për emrin e tij, si dhe për të gjithë aktivistët dhe mbështetësit që kontribuuan gjatë fushatës. Ai theksoi se u është mirënjohës secilit prej tyre dhe se mbështetja e dhënë do të mbetet një obligim moral për të.

Duke respektuar rezultatin zgjedhor, Demiri uroi kundërkandidatin për fitoren, duke theksuar se vendimi i qytetarëve duhet respektuar si shprehje e vullnetit sovran të popullit.

“Zgjedhjet përfunduan, por jo dashuria dhe angazhimi im për bashkëqytetarët e mi,” theksoi Demiri, duke shtuar se përgjegjësia dhe përkushtimi i tij ndaj Vrapçishtit do të vazhdojnë edhe në të ardhmen.

Në fund, ai falënderoi qytetarët dhe la të hapur mundësinë për rikthim në garat e ardhshme politike./ZYRTARE.net