Ali Ahmeti: Do të takohemi me Mickoskin për tema të rëndësishme

Kreu i BDI-së, Ali Ahmeti në emisionin Click Plus në TV21, ka deklaruar se do të ketë një takim me kryeministrin Hristijan Mickoski për të diskutuar çështje të rëndësishme për shtetin, përcjell Zyrtare.net

Ahmeti tha se pjesëmarrja e BDI-së në takimin e liderëve dëshmon se partia është e kalitur për të mbajtur përgjegjësi dhe se dialogu mbetet një parim thelbësor evropian.

“Në këtë takim liderësh hapëm shumë tema. Disa prej tyre nuk u pranuan dhe mbetëm që të takohemi me kryeministrin për t’i mbyllur disa çështje të rëndësishme për shtetin. Si dy partitë më të mëdha, qëllimi ynë është ta çojmë vendin përpara”, tha Ahmeti.

Ai theksoi se dialogu politik është i domosdoshëm për stabilitetin dhe zhvillimin e vendit, duke shtuar se BDI do të vazhdojë të angazhohet në proceset që kontribuojnë në përparimin e shtetit./Zyrtare.net/