Lajme
Kuvendi mban seancë, Hoxha dhe Sali pritet të bëhen ministra
Sot Kuvendi do të mbajë seancën e 75-të, në të cilën në rend të ditës është edhe zgjedhja e ministrave të rinj për Çështje Evropiane dhe Mjedis, përcjell TV21. Si pikë e parë në rendin e ditës është Propozimi për shkarkimin e Orhan Murtezanit nga funksioni i ministrit në Ministrinë për Çështje Evropiane, ndërsa si zv/kryeministër dhe ministër për Çështje Evropiane është propozuar deputeti aktual dhe ish-ministri i Shëndetësisë, Bekim Sali.
Zgjedhja e anëtarëve të rinj të Qeverisë erdhi pas zgjedhjeve lokale të mbajtura në tetor, pasi Izet Medzhiti u zgjodh kryetar i Komunës së Çairit, duke lënë detyrën e zv/kryeministrit dhe ministrit për Mjedis dhe Planifikim Hapësinor. Si ministër i ri për Mjedis është propozuar ish-zëdhënësi i qeverisë së kaluar, Muamet Hoxha.
Në rendin e ditës janë edhe: Propozimi për emërimin e një anëtari jo-ekzekutiv në Bankën Popullore të Republikës së Maqedonisë së Veriut, Propozimi i ligjit për ratifikimin e Protokollit Shtesë 7 për zgjidhjen e mosmarrëveshjeve të Marrëveshjes për ndryshime dhe aderim në Marrëveshjen Qendrore Evropiane për Tregti të Lirë, Propozimi i ligjit për huamarrje të Republikës së Maqedonisë së Veriut nga Banka Evropiane për Rindërtim dhe Zhvillim për financimin e projektit “Rinovimi i parkuar të trenave mallrash” të Hekurudhave të Republikës së Maqedonisë së Veriut-Transport SHA Shkup, sipas procedurës së shkurtuar, Propozimi i ligjit për ndryshimin e Ligjit për lojërat e fatit dhe lojërat zbavitëse, sipas procedurës së shkurtuar, dhe Propozimi i ligjit për ndryshimin e Ligjit për Tatimin mbi Vlerën e Shtuar, sipas procedurës së shkurtuar.
Para deputetëve do të jenë edhe disa propozim-vendime për miratimin e programeve vjetore të disa institucioneve – Propozim-vendimi për miratimin e Programit Vjetor të Punës së Agjencisë së Postave për vitin 2026 dhe Propozim-vendimi për miratimin e Programit Vjetor të Punës dhe Zhvillimit për vitin 2026 të Agjencisë për Rregullimin e Sektorit Hekurudhor dhe Strategjia e rishikuar fiskale e Republikës së Maqedonisë së Veriut për periudhën 2026-2030.
Tensione në Ngushticën e Hormuzit, Garda Revolucionare iraniane ndalon tre cisterna nafte
Rasti i 23 intelektualëve të zhdukur të Mitrovicës, Spahiu flet për ngjarjen: Nëse konfirmohen eshtrat, duhet të varrosen aty
Shpëtohen 2 persona në Liqenin e Ohrit
La trafikun e drogës për të punuar në ndërtim, shqiptarit i bëjnë atentat ish-shokët e grupit kriminal
Bogovinasit, i përgjigjen Feti Abazit: “Yjet e folklorit, fëmijët me prindërit, rinia dhe mërgimtarët, ndriçuan stadiumin, me valle dhe hare”
Apasiev sulmon VMRO-në pasi ministri Jeton Shasivari vendosi përdorimin e gjuhës shqipe në Ministrinë e Drejtësisë
Rrustemi: Politika e Albinit po e përmirëson edhe PDK’në, arrestimet e serbëve për kri*me lufte do të vazhdojnë
Osmani pas emërimit të Fetait: Krijimi i një kanali paralel në Bruksel e dëmton diplomacinë shtetërore
Albi Qamili dhe Bilall Kasami mirëpresin Korab Shaqirin në komunën e Tetovës, sonte koncert në kuadër të “Verës Tetovare”
Rrahje në ESM: Një e punësuar ka denoncuar se është sulmuar fizikisht nga kolegia e saj
Pamje të pazakonta në Gjermani, pema merr flakë pasi bie mbi linjën e tensionit gjatë stuhisë
