Kasami: Transporti publik bëhet falas për qytetarët që kanë shlyer obligimet ndaj Komunës së Tetovës

Kryetari i Komunës së Tetovës, Bilall Kasami, ka njoftuar se sot në Këshillin Komunal është votuar një vendim me rëndësi për qytetarët, me të cilin transporti publik bëhet falas për të gjithë ata që kanë shlyer obligimet ndaj komunës.

Sipas Kasamit, nga ky vendim do të përfitojnë edhe nxënësit e shkollave fillore dhe të mesme, si dhe të gjitha shoqatat dhe institucionet që do të nënshkruajnë memorandum bashkëpunimi me Komunën e Tetovës.

“Ky është një hap konkret për të shpërblyer përgjegjësinë qytetare, për të lehtësuar lëvizjen dhe për të ndërtuar një qytet më të drejtë për të gjithë”, ka deklaruar Kasami./Zyrtare/