Izet Mexhiti takon babain e dëshmorit Mujdin Aliu, Qerimin: Sakrifica e familjes së tij, të japin forcë për më shumë punë

Izet Mexhiti ka takuar babain e dëshmorit Mujdin Aliu, Qerimin ku ka treguar edhe se për çfarë është biseduar, njofton Top24

Në këtë takim që po ndodh një ditë para protestës së nesërme, ku do të kërkohet drejtësi për pjesëtarët e UÇK-së që gjykohen në Hagë, është biseduar për sakrificën e familjes Aliu.

Sipas Mexhitit, ky takim i jep forcë atij për më shumë punë.

“Takimi i sotëm me babain e dëshmorit Mujdin Aliu, babë Qerimin, ishte nga ato çaste që të prekin thellë. Qetësia e tij, mënyra si flet për të birin dhe sakrificën e familjes së tij, të japin forcë për më shumë punë, më shumë përkushtim dhe më shumë përgjegjësi ndaj detyrës që mbaj.