Kurti e konfirmon: Afro 50 mijë studentë përfitojnë nga 100 euro!

Kryeministri në detyrë, Albin Kurti ka deklaruar se sot është procesuar pagesa për grupin e parë të studentëve që janë kualifikuar si përfitues të shumës së njëhershme prej 100 eurove, me rastin e fillimit të vitit të ri akademik.

“Janë gjithsej 49,623 studentë përfitues të të gjitha drejtimeve e institucioneve arsimore, publike e private që janë procesuar me grupin e parë.

Pjesa e mbetur e aplikuesve që plotësojnë kriteret për përfitim do të shqyrtohen dhe procesohen me grupin e dytë në ditët në vijim.

Me qeverinë tonë, studentët çdoherë do të kenë mbështetjen e shtetit”, ka shkruar ai në Facebook.