Pse kjo grua duhej t’i binte klarinetës ndësa operohej në tru?

Denise Bacon, 65 vjeçe, nga Sussex, MB, tregoi përmirësim të menjëhershëm në lëvizjet e gishtërinjve të saj pasi iu nënshtrua stimulimit të thellë të trurit (DBS) për të luftuar simptomat e Parkinsonit, duke përfshirë bradikinezinë dhe ngurtësinë e muskujve.

Ajo u diagnostikua me sëmundjen në vitin 2014 dhe që atëherë ka ndikuar në aftësinë e saj për të ecur, notuar, kërcyer dhe luajtur instrumentin e saj.

Gjatë operacionit katër-orësh në Spitalin e Kolegjit King, profesori i neurokirurgjisë Keyoumars Ashkan, kreu operacionin DBS për të lehtësuar simptomat, ndërsa Bacon mbeti zgjuar gjatë operacionit.

DBS është një procedurë kirurgjikale që përdor elektroda të implantuara në tru dhe është e përshtatshme për disa pacientë me çrregullime të tilla si sëmundja e Parkinsonit.

“Ne shpuam vrima sa gjysmë monedhe në kafkën e Denise dhe një kornizë me koordinata të sakta u vendos në kokën e saj, e cila vepronte si një sistem navigimi për të na udhëhequr në vendet e sakta për të implantuar elektrodat brenda trurit”, tha Keyoumars Ashkan. “Stimulimi i thellë i trurit është një nga trajtimet më efektive, të provuara dhe afatgjata për kontrollin e simptomave motorike të sëmundjes së Parkinsonit, duke përmirësuar dridhjet, ngurtësinë dhe ngadalësinë e lëvizjes”, shtoi profesori i neurokirurgjisë.

A woman with Parkinson’s Disease who played a clarinet while undergoing brain surgery has told the BBC “it was just amazing” to see and feel her fingers moving “better and faster” during the operation.

More here: https://t.co/2kFx4wAaXt pic.twitter.com/sUc56pTSej

— BBC Sussex (@BBCSussex) October 22, 2025

“Mbaj mend që dora ime e djathtë ishte në gjendje të lëvizte shumë më lehtë pas stimulimit, dhe kjo nga ana tjetër përmirësoi aftësinë time për të luajtur klarinetë, për të cilën isha e emocionuar. Tashmë po vërej një përmirësim në aftësinë time për të ecur dhe mezi pres të provoj notin dhe vallëzimin për të parë nëse aftësitë e mia në ato zona janë përmirësuar gjithashtu”, tha Denice.

Bacon kishte një bateri të rikarikueshme të implantuar në gjoksin e saj që mund të zgjasë deri në 20 vjet para se të duhej të zëvendësohej. Kjo monitoron aktivitetin e trurit të saj dhe mund të ndihmojë në rregullimin automatik të stimulimit elektrik kur është e nevojshme. /tesheshi.com/