Kur protestojnë indigjenët

Të armatosur me shtiza dhe kallamishte dhe duke mbajtur pankarta me lutjen “Mos na vrisni”, qindra indigjenë të Kolumbisë demonstruan kundër dhunës në kufirin me Venezuelën, nga ku u dëbuan për shkak të përleshjeve të përgjakshme midis grupeve guerile.

Të veshur me veshje tradicionale Motilón-Bari, indigjenët përmbytën rrugët e Cucuta-s, kryeqytetit rajonal dhe pikës kryesore kufitare. Ata janë midis 73,000 të zhvendosurve nga luftimet midis Ushtrisë Çlirimtare Kombëtare (ELN) të Kolumbisë dhe grupeve të shkëputura nga ish-rebelët e FARC.

⭕ #ParoNacional2025 | Comunidades de Olmedo y Cangahua llegan a #Cayambe, parque central en una gran movilización.

El pueblo organizado mantiene la resistencia en unidad, exigiendo la derogatoria del Decreto 126, la libertad de los detenidos y el fin de la represión estatal.… pic.twitter.com/PO9lFGGM4Z

— CONAIE (@CONAIE_Ecuador) October 1, 2025

“Lufta na ka goditur rëndë në rajonin Catatumbo,” tha për AFP Alexandre Dora, avokati i të drejtave të njeriut i popullit Barí.

Protestuesit denoncojnë dështimin e qeverisë së majtë të presidentit Gustavo Petro për të mbrojtur tokat e tyre nga grupet guerile që mbjellin terror dhe pasurohen nga shpyllëzimi, minierat e paligjshme dhe trafikimi i drogës.

“Respektoni komunitetin” dhe “Kërkojmë praninë e presidentit”, brohoritën protestuesit, disa prej të cilëve marshuan lakuriq.

Ata thanë se nuk do të largoheshin nga Cucuta ose nuk do të ktheheshin në pyllin e tyre të rrethuar derisa të takoheshin me Petron dhe ministrat e tij.

“Duam garanci dhe toka”, tha Juan Titira, një përfaqësues i popullit Motillon-Bari.

⭕ #ParoNacional2025 | A esta hora, las comunidades de La Compañía y Camuendo se movilizan en #Otavalo.
El pueblo organizado mantiene la resistencia en las calles, en rechazo a las medidas económicas del gobierno de @DanielNoboaOk y en exigencia de justicia y libertad para los… pic.twitter.com/XKBYUj4w1U

— CONAIE (@CONAIE_Ecuador) October 1, 2025

Qeveria e Gustavo Petros premtoi para zgjedhjeve të vitit 2022 se do t’u sillte paqe rebelëve të armatosur, por deri më tani nuk ka bërë përparim serioz. Negociatat me ELN u pezulluan pas shpërthimit të krizës së Catatubo. Sipas Iris Marín Ortiz, Avokatit të Popullit kolumbian përgjegjës për mbrojtjen e të drejtave të njeriut në vend, konfliktet kanë shkaktuar zhvendosjen më të madhe të njerëzve në Kolumbi në një shekull.

Gustavo Petro ka njoftuar se 25,000 ushtarë do të vendosen në kufi dhe se do të fillojë negociatat me Venezuelën në mënyrë që të dy vendet të përballen së bashku me trafikantët e drogës. /tesheshi.com/