Connect with us

Maqedoni

Konkluzë e BDI-së: Ne kena fituar

Publikuar

më

Bashkimi Demokratik për Integrim ka dalë me një reagim të fortë pas mbledhjes së Kryesisë Qendrore, duke kërkuar që vendi të shkojë menjëherë në zgjedhje të parakohshme parlamentare.

“Konkluza kryesore nga mbledhja e sotme e Kryesisë Qendrore të Bashkimit Demokratik për Integrim ishte e qartë dhe unanime: Të shkohet menjëherë në zgjedhje të parakohshme parlamentare!” – thuhet në deklaratën e BDI-së.

Sipas partisë, ky qëndrim është i përbashkët edhe për të gjithë partnerët e Besëlidhjes Aleanca Kombëtare për Integrim (AKI), të cilët vlerësojnë se pas tre cikleve zgjedhore – presidenciale, parlamentare dhe lokale – vullneti i qytetarëve është i pandryshuar dhe mbështet AKI-në.

“Për më pak se një vit e gjysmë, qytetarët në Republikën e Maqedonisë së Veriut i kanë dhënë tre herë radhazi besimin e tyre Aleancës Kombëtare për Integrim, duke e bërë atë fituesen e padiskutueshme në rrafshin kombëtar,” theksohet në reagim.

BDI ka paraqitur edhe të dhëna konkrete për të argumentuar fitoren e saj në zgjedhjet lokale të 19 tetorit:

AKI ka epërsi prej mbi 23.000 votash në zgjedhjet për Këshilla Komunalë;

Mbi 21.000 vota diferencë në garën për Kryetarë Komunash;

159 këshilltarë të fituar, kundrejt 122 të kampit tjetër politik;

Sipas vlerësimeve të BDI-së, nëse zgjedhjet parlamentare do të mbaheshin atë ditë, AKI do të kishte 20 mandate, kundrejt 15 të rivalëve politikë.

Partia thekson se AKI ka fituar shumicën dërmuese të komunave dhe se legjitimiteti i saj politik është i konfirmuar.

Në deklaratë, BDI e konsideron si të domosdoshme kthimin e mandatit te qytetarët:

“Qytetarët kanë shprehur vullnetin e tyre tri herë radhazi dhe çdo tentim për ta anashkaluar këtë realitet është i pakuptimtë dhe antidemokratik. BDI kërkon që mandati t’u kthehet qytetarëve. Le të vendosë populli kush e ka legjitimitetin për të udhëhequr vendin dhe për ta çuar përpara procesin euroatlantik, përfaqësimin e barabartë dhe stabilitetin politik.”

Në fund, BDI ka drejtuar kritika ndaj opozitës shqiptare, duke e akuzuar për humbje të përsëritura dhe për retorikë boshe:

“VLEN vuan nga sindromi i Gazimestanit, flet me patetikë, por humb me fakte. Ndërsa Aleanca Kombëtare për Integrim flet me shifra, me rezultate dhe me legjitimitet të konfirmuar në çdo cikël zgjedhor.”

“Aleanca Kombëtare për Integrim është fituese në rrafshin kombëtar. Qytetarët kanë folur qartë. Tani është koha që politika të dëgjojë. Hajde, menjëherë të shkojmë në zgjedhje të parakohshme parlamentare!” – përfundon reagimi i BDI-së.

Advertisement
Shqipëri21 minutes ago

“S’e kam takuar kurrë personalisht Ballukun”- Binaj i përgjigjet Spiropalit: Ju dhe bashkëshorti keni kërcënuar Administratën Tatimore, shkak…

Lajme33 minutes ago

BFI-ja konfirmon: Kemi marrë lejen për ndërtimin e objektit të ri pranë Kalasë së Shkupit

Lajme53 minutes ago

Mendi Qyra: Pas dekadash, Llabunishti drejt zgjidhjes së problemit me ujë të pijshëm,

Maqedoni55 minutes ago

“Kush ju dha të drejtën të na vrisni?” – Protestë para Qeverisë në Shkup, gratë kërkojnë drejtësi dhe mbrojtje!

Lajme56 minutes ago

Mexhiti: Çairi bëhet pikë takimi e studentëve shqiptarë përmes Universiadës Mbarëkombëtare “Çair 2026”

Kosovë1 hour ago

Limaj viziton Kilajn pas shpalljes së pafajësisë: Të angazhohemi për kthimin e të gjithë bashkëluftëtarëve

Maqedoni2 hours ago

Dy policë janë suspenduar nga detyra, nën dyshimin se kanë ushtruar dhunë fizike ndaj një të mituri

Shqipëri2 hours ago

Arrestohen tre persona në Durrës, njëri prej tyre grabiti taksistin, dy të tjerëve u gjendet drogë për shitje!

Lajme3 hours ago

VLEN bojkoton 25-vjetorin e UEJL-së/ Mexhiti dhe Kasami refuzojnë ftesën për ceremoninë

Lajme3 hours ago

Agon Ferati takon Komisionerin e Lartë të OSBE-së për Pakicat Kombëtare, Kristof Kamp

Kosovë3 hours ago

Haziri: Ndasia e 31 janarit po i kushton LDK-së, pasojat u reflektuan edhe në zgjedhjet e 7 qershorit

Lajme3 hours ago

Sulejmani dhe ambasadori i Kosovës, Qehaja, në manifestimin për Ditën e Alfabetit Shqip në Butel: Gjuha shqipe është një nga vlerat më të çmuara të identitetit tonë

NA NDIQ NË FACEBOOK