Hasani “sfidon” Snopçen: Zgjidh mediumin për duel, unë jam gati!

Bashkim Hasani, bartës i listës së këshilltarëve të koalicionit VLEN në komunën e Gostivarit ka ftuar publikisht në debat deputetin e ASH-së Halil Snopçe për të diskutuar hapur para qytetarëve për problemet që ka lënë ASH e Taravarit në këtë komunë.

Hasani ka shpalosur disa nga pikat siç janë: buxheti i Komunës së Gostivarit, bllok dotacionet, rrogat, investimet kapitale, harxhimet rrjedhëse dhe borxhet e komunës dhe siç thotë, “krejt vuajtjet e komunës”.

“Të ftoj ty personalisht, sepse Valdeti e Valboni ndoshta as nuk i din këto punë, të shohim sa ti i din. Zgjidh vet mediumin, unë jam gati, hajde bujrum profesor i dashur!”, ka shkruar Hasani nga VLEN.