Zeqirija Ibrahimi: Ballkanin e hapur dhe Vuçiqin nuk e sollëm ne, por e gjetëm tek Ali Ahmeti

Zeqirija Ibrahimi, lider i Alternativës tha në hapjen e Shtabit zgjedhor në Tearcë tha se si rrallëherë komuna e Tearcës e ka në dorë që të vendos për një djal jo vetëm që është i ri për nga mosha, por që vjen me bagazhin e tij pa asnjë aferë të korrupsionit, pandershmërisë dhe u bëj ftesë banorëve ta shfrytëzojnë shansin që të zgjedhin një kryetar që nuk ka asnjë argument kundër për punën e tij.
“Ne kemi një Daut në Haraçinë, Dautin e dytë në Tearcë, obligimi i shqiptarëve është t’i bashkohen dy Dautat nga Haraçina e deri në Tearcë që ta ketë pushtetin VLEN-i”, tha Ibrahimi në hyrje të fjalimit.
Ne në VLEN, shtoi ai kemi edhe dy Blerima, ai i Zhelinës dhe Dollnenit dhe të bashkohen njëjtë.
Pushteti i VLEN-it shtoi Ibrahimi, nuk vepron me premtim boshe dhe të zbrazëta dhe themi se qeveria është në shërbim të komunave, duke ndarë 80 milionë euro për komunat shqiptare dhe ky trend do të vazhdojë.
“Pra vjen edhe një histori e re për Tearcën”, tha ai.
Për fund ai foli edhe “Botën serbe” si një akuzë që përmendet nga opozita.
“Kam vetëm se një pyetje- cili lider shqiptarë e ka takuar Vuçiqin, vetëm Ali Ahmeti, askush tjetër… Ballkanin e hapur dhe Vuçiqin nuk e sollëm ne por e gjetëm tek Ali Ahmeti”, nënvizoi Ibrahimi.