Vendi ku po poshtërohen qeveritarët, zili ndër shqiptarë

Ushtarë të armatosur ruajnë parlamentin e Nepalit të mërkurën, në rrugë të shkreta pasi u vendos një shtetrrethim i pacaktuar në kryeqytetin Katmandu, pas dy ditësh protestash të përgjakshme kundër korrupsionit që çuan kryeministrin K.P. Sharma Oli të jepte dorëheqjen.

Trazirat më të këqija në dekada në vendin e varfër të Himalajeve shpërthyen pasi u njoftua një ndalim i mediave sociale javën e kaluar, por u hoqën pasi 19 persona u vranë të hënën kur policia qëlloi me gaz lotsjellës dhe plumba gome për të kontrolluar turmat.

WORLD NEWS:

Politicians houses in Nepal burned by Gen Z youths protesters pic.twitter.com/MkBWkLLFbl

— African Hub (@AfricanHub_) September 9, 2025

Automjete të djegura dhe grumbuj metali mbushën zonën përreth parlamentit, ku zjarrfikësit e ushtrisë po luftonin me flakët në sallën kryesore, ndërsa pjesa e jashtme e ndërtesës u dogj nga zjarrvënia e protestuesve të zemëruar të martën.

“Ne po përpiqemi ta normalizojmë situatën së pari,” tha zëdhënësi i ushtrisë Raja Ram Basnet. “Ne jemi të vendosur të mbrojmë jetën dhe pronën e qytetarëve.”

Automjete të blinduara patrullonin rrugët, të cilat ishin të shkreta përveç disa këmbësorëve, dhe dyqanet ishin të mbyllura.

Quando a população se levanta, nada fica em pé, absolutamente nada.
O Nepal está dando uma demonstração de que tudo tem limite. pic.twitter.com/l5ooa3aQ6P

— Tumulto BR (@TumultoBR) September 9, 2025

Disa ndërtesa të tjera qeveritare, nga Gjykata e Lartë deri te rezidencat e ministrave, përfshirë rezidencën private të Olit, u vunë gjithashtu në flakë gjatë protestave të së martës, me trazirat që u qetësuan vetëm pas dorëheqjes. Zjarret që shpërthyen në shtëpitë e politikanëve bllokuan gruan e ish-zëvendëskryeministrit, Jalanath Kanal, dhe ajo u dogj e gjallë.

Një video që qarkullonte në internet tregonte protestuesit që sulmonin rezidencën e ministrit të jashtëm të Nepalit, Arzu Rana Deuba, dhe e rrihnin brutalisht.

Fati i zëvendëspresidentit të Nepalit mbetet i panjohur. Protestuesit e rrethuan dhe filluan ta rrihnin rëndë përpara se ta mbulonin me kapuç dhe ta ndiqnin lakuriq në një lumë. Pastaj e kapën përsëri dhe e tërhoqën zvarrë lakuriq në kryeqytetin Katmandu. Që atëherë, askush nuk e di se ku është.

Edhe ministri i ekonomisë u hodh në lumë gjysmë i zhveshur dhe i poshëtërur, pamje që gjithashtu janë bërë virale.

https://x.com/i/status/1964972759257321760

Pse të rinjtë u çuan në revoltë?

Sipas Reuters, shumica e protestuesve ishin të rinj që shprehnin zhgënjimin e tyre me dështimin e dukshëm të qeverisë për të luftuar korrupsionin dhe për të rritur mundësitë ekonomike.

Për vite me radhë, mungesa e vendeve të punës ka shtyrë miliona njerëz të kërkojnë punë në vende të tilla si Malajzia, Lindja e Mesme dhe Koreja e Jugut, kryesisht në kantiere ndërtimi, për të dërguar para në shtëpi.

I ndarë midis Indisë dhe Kinës, Nepali është përballur me paqëndrueshmëri politike dhe ekonomike që nga viti 2008, kur protestat çuan në heqjen e monarkisë.

Skenat nga Nepali jo vetëm sjellin në kujtesë ‘97-ën në Shqipëri, me rënien e shtetit, por janë bërë inspirim dhe në media sociale me shumë shqiptarë, edhe figura publike, të cilët që fat të ngjashëm të kenë dhe qeveritarë në Shqipëri ashtu si në Nepal. /tesheshi.com/