Të shtëna në shkollë, tre të plagosur, autori vetëvritet

Një ngjarje e rëndë tronditi Evergreen High School në Kolorado, SHBA të mërkurën pasdite, kur rreth orës 12:24 ndodhën të shtëna me armë brenda kampusit.

Sipas Zyrës së Sherifit të Qarkut Jefferson, tre studentë u dërguan në spital me plagë të rënda. Mes të plagosurve ishte edhe autori i dyshuar, i cili mbeti i plagosur gjatë sulmit dhe më vonë ndërroi jetë. Identiteti i tij nuk është bërë ende publik.

Nga tre të plagosurit, një student vazhdon të jetë në gjendje kritike, një tjetër në gjendje të qëndrueshme, ndërsa një nxënës i katërt është gjithashtu në spital me lëndime të paqarta.

Pas ngjarjes, shkolla u vendos në bllokim total dhe dhjetëra ekipe policore dhe forca speciale kontrolluan çdo klasë. Prindërit u udhëzuan të ribashkoheshin me fëmijët në një vend të sigurt.