Pamje tronditëse/ Babai i dy fëmijëve sulmohet në sy të tyre pasi i bëri vërejtje shoferit për shpejtësinë (VIDEO)

Një ngjarje e rëndë ka ndodhur në Kocaeli të Turqisë, ku një baba është dhunuar pasi paralajmëroi një shofer që po ecte me shpejtësi pranë fëmijëve të tij.

Sipas videos së publikuar në rrjetet sociale nga @asayisberkemal34, incidenti ndodhi pranë një rruge rezidenciale ku babai ndodhej me fëmijët. Ai i bëri vërejtje një drejtuesi automjeti për shpejtësinë e lartë, por situata degjeneroi në konflikt fizik.

Pamjet tregojnë momentin kur disa persona zbresin nga makina dhe e sulmojnë babain në sy të fëmijëve, duke shkaktuar reagim të madh në rrjetet sociale turke.

Media turke Haber Tuğra raportoi se ngjarja ka ndodhur në një zonë të frekuentuar nga familjarë dhe se policia është përfshirë në hetim. Aktualisht nuk dihet gjendja e plotë shëndetësore e babait, por ngjarja ka hapur debate mbi sigurinë rrugore dhe dhunën ndaj qytetarëve që reagojnë.

@hbertugra Kocaeli’de Bir Baba Çocuklarının Yanında Hızlı Giden Sürücüyü Uyardı Diye Darp Edildi #beniöneçıkart #türkiye🇹🇷 #kocaeli #keşfet ♬ orijinal ses – HBERTUGRA