Ngjarje e rëndë, ka humbje jete dhe të plagosur

Një tjetër jetë është shuar pas aksidentit të rëndë të ndodhur mbrëmjen e së hënës në fshatin Golaj të Hasit, ku u përplasën dy automjete tip “Benz”.

Nga përplasja humbën jetën dy persona, njëri prej tyre me pasaportë britanike, ndërsa tjetri ishte invalid pune.

Ngjarja ndodhi të hënën rreth orës 19:50, në aksin rrugor Krumë–Golaj. Automjeti i drejtuar nga shtetasi me inicale N. L. u përplas me mjetin e drejtuar nga shtetasi me inicale N. S., ku ndodhej edhe pasagjeri me inicale Z. N..

Përveç dy viktimave, një tjetër person mbeti i plagosur dhe po merr ndihmë mjekësore në spital.

Dyshohet se shkak i aksidentit ka qenë shpejtësia gjatë drejtimit të mjetit, por ende nuk është përcaktuar se cili prej drejtuesve ka shkaktuar përplasjen fatale.

Grupi hetimor po vijon punën për zbardhjen e plotë të rrethanave.