Moti/ Ja kur rikthehen reshjet

Pas disa ditësh me diell dhe temperatura të larta, Shqipëria përgatiten për kthimin e reshjeve të shiut dhe vranësirave kalimtare gjatë javës.

Sipas meteorologut Hakil Osmani rrebeshet e shiut priten fillimisht në zonat veriore dhe veriperëndimore, ndërsa fundjava do të sjellë mot të vranët dhe reshje lokale në pjesën më të madhe të vendit.

Sipas meteorologut fillimi i javës do të jetë me mot të qëndrueshëm dhe kthjellime, të paktën deri të mërkurën.

“Prej ditës së mërkurë pritet zhvillim i vranësirave dhe një rritje e ndjeshme e lagështisë në ajër, çka do të sjellë prezencë të reshjeve, fillimisht në zonat veriore dhe veriperëndimore. Dita e enjte do të sjellë rënie të ndjeshme të temperaturave, kryesisht në mesditë, ndërsa nga e premtja parashikohet rritje sërish, me maksimale deri në 32–33°C. E enjtja do të shoqërohet me vranësira dhe reshje në formën e rrebesheve. E premtja dhe fundjava do të karakterizohen nga vranësira të shpeshta, sidomos gjatë pasdites”, tha Osmani.