Katër të lënduar në aksident me dy vetura në Vitomiricë të Pejës

Një aksident trafiku ka ndodhur sot në fshatin Vitomiricë të Pejës, duke lënë katër persona të lënduar.

Zëdhënësi i Policisë për rajonin e Pejës, Driton Rugova, ka konfirmuar për Insajderi se ngjarja ndodhi rreth orës 12:05 dhe përfshiu dy automjete.

Si pasojë e aksidentit, katër të lënduarit janë dërguar në Spitalin Rajonal të Pejës për trajtim mjekësor.

“Sot rreth orës 12:05, Policia është njoftuar për një aksident trafiku i cili ka ndodhur ne fshatin Vitomiricë-Pejë, në këtë aksident ishin të involvuara dy vetura dhe si pasojë e aksidentit katër (4) persona kanë pësuar lendime trupore të njejtit janë dërguar në spitalin rajonal në Pejë për tretman mjekësor”, tha ai.