I fundit në listë por pritet të jetë më i votuari, kush është kandidati për asambleist Kreshnik Smajlaj?

Edhe pse ka zgjedhur numrin e 56, biznesmeni i shquar në Prishtinë Kreshnik Smajlajn pritet të jetë kandidati më i votuar për asamble të Prishtinës nga radhët e AAK-së . Smajlaj ka zgjedhur numrin e fundit në listë, numrin 56 por që llogaritet të dal i pari në listën e më të votuarve nga kjo listë.

Smajlaj është biznesmen i shquar në Prishtinë dhe njihet për trajtimin profesional e njerëzor të punonjësve të tij. E për biografinë e tij ka shkruar edhe kandidati për Prishtinën Bekë Berisha.

‘’Kreshnik Smajlaj u lind në vitin 1985 në Prishtinë.

Shkollën fillore e përfundoi në “Iliria”, ndërsa të mesmen në Shkollën e Mjekësisë “Dr. Ali Sokoli.

Studimet universitare i kreu në Fakultetin Eonomik, duke u specializuar në fushën e menaxhimit dhe ekonomisë.

Në vitin 2011 themeloi biznesin e tij në gastronomi, të cilin e ka zhvilluar me sukses të vazhdueshëm, duke e shndërruar në një ndërmarrje të fuqishme që sot punëson mbi 110 persona.

Përvoja e tij mbi një dekadë në sektorin privat e bën shembull të sipërmarrësit modern, që ndërthur përgatitjen akademike me menaxhimin praktik dhe lidershipin efektiv.

I martuar dhe baba i dy fëmijëve, Kreshnik Smajlaj njihet për përkushtimin ndaj familjes dhe aftësinë për të ndërtuar biznese të qëndrueshme që kontribuojnë në zhvillimin ekonomik të vendit”, shkruan Bekë Berisha në njoftim.