Greqia goditet nga katër tërmete – Detajet

Gadishulli i Athosit në Greqinë Veriore u godit nga një seri tërmetesh herët në mëngjes, duke shkaktuar shqetësim te banorët, por pa raportime për dëme të mëdha apo lëndime. Tërmeti më i fortë u regjistrua me magnitudë 4.8 ballë, sipas Qendrës Sizmologjike Evropiane-Mesdhetare (EMSC). Epiqendra e tij ishte në det, rreth 10 kilometra në jug të Manastirit të Hilandarit, me një thellësi prej rreth 5 kilometrash.

Ndërsa EMSC raportoi një serë tërmetesh, tërmeti i mëngjesit të sotëm ka rënë në një zonë që ka qenë aktive sizmikisht gjatë vitit. Sipas seizmologëve grekë, rajoni ka regjistruar mbi 1,000 tërmete që nga fillimi i vitit 2024. Rreth 10 prej tyre kanë qenë me magnitudë mbi 4.0, dhe më i forti ishte një tërmet me magnitudë 5.2 ballë që ndodhi tre muaj më parë. Kjo valë e vazhdueshme e tërmeteve u ka bërë shkencëtarëve të zbulojnë një thyerje të re sizmike nën zonën e Athosit, një fakt që nuk njihej më parë.

Një thyerje e re aktive dhe vëmendje shkencore

Ekspertët, përfshirë Efthymios Lekkas, kreun e Organizatës Greke për Planifikimin dhe Mbrojtjen nga Tërmetet, kanë theksuar se nuk ka arsye për panik, por se shkencëtarët po e monitorojnë situatën me vëmendje të madhe. “Thyerja që po shkakton këto tërmete është ende aktive,” tha Lekkas për televizionin shtetëror ERT. Ai shtoi se nuk pritet që kjo thyerje të prodhojë një tërmet më të madh se ai i regjistruar më parë me magnitudë 5.2, por theksoi rëndësinë e vazhdimit të monitorimit.

Banorët e zonave të afërta si Nea Roda, ishulli i Ammouliani dhe Sarti ndjenë dridhjet e forta, por fatmirësisht nuk ka raportime për dëme strukturore në manastiret shekullore të gadishullit, të cilat janë monumente të Mbrojtura nga UNESCO. Ndryshe nga tërmetet më të forta të mëparshme në muajin qershor, të cilët dëmtuan mure dhe objekte në disa manastire, tërmetet e sotëm duket se nuk kanë shkaktuar pasoja të rënda.

Autoritetet nuk kanë lëshuar asnjë paralajmërim për cunami, pasi tërmetet nuk kanë pasur karakteristikat e nevojshme për të shkaktuar një valë të tillë.