E rëndë! Vajza qëllon me armë zjarri kushëririn

KËLCYRË — Një ngjarje e rëndë ka ndodhur në Këlcyrë, ku një 19-vjeçare ka plagosur aksidentalisht kushëririn e saj, 27-vjeçarin D.S., me një pushkë sportive. I plagosuri ndodhet jashtë rrezikut për jetën.

Sipas njoftimit të policisë, specialistët për hetimin e krimeve në Komisariatin e Policisë Tepelenë kanë nisur procedimin penal ndaj 19-vjeçares me iniciale K.B., banuese në Këlcyrë. Pushka, me të cilën u shkaktua plagosja aksidentale, është sekuestruar si provë materiale.

Grupi hetimor po punon për të zbardhur plotësisht rrethanat e ngjarjes.

Detaje të reja mbi ngjarjen: Aksident apo neglizhencë?

Ngjarja e rëndë ndodhi në Këlcyrë, ku një moment argëtimi me armë përfundoi në një plagosje aksidentale. Burime pranë grupit hetimor bëjnë me dije se dy kushërinjtë po luanin me një pushkë sportive, kur arma qëlloi aksidentalisht, duke plagosur 27-vjeçarin D.S. Plumbi e preku në pjesën e sipërme të trupit, por fatmirësisht ai është jashtë rrezikut për jetën.

Policia e ka marrë në pyetje 19-vjeçaren, e cila ka dëshmuar se ngjarja ishte një aksident. Ajo ka shprehur keqardhje për incidentin, duke shtuar se nuk e dinte se arma ishte e karikuar. Puska sportive është sekuestruar menjëherë si provë materiale dhe do t’i nënshtrohet një ekspertize balistike për të konfirmuar rrethanat e shkrepjes.

Nga hetimet paraprake, 19-vjeçarja po ndiqet penalisht për “plagosje e rëndë nga pakujdesia”. Ky rast vë në pah rrezikun e përdorimit të armëve, qoftë edhe sportive, pa pasur njohuritë dhe kujdesin e duhur.