Britania dhe SHBA-ja me marrëveshje për fuqizimin e energjisë bërthamore

Britania dhe Shtetet e Bashkuara do të nënshkruajnë një marrëveshje bashkëpunimi në fuqizimin e energjisë bërthamore gjatë vizitës shtetërore të Presidentit amerikan, Donald Trump në Britani këtë javë.

Kjo marrëveshje ka për qëllim të sigurojë investime për ndërtimin e impianteve të reja bërthamore, raportoi Reuters të hënën.

Starmer ka shprehur optimizëm për këto angazhime, duke thënë se i vendosin në rrugën e duhur drejt një epoke të artë të energjisë bërthamore, e cila do të ulë faturat e energjisë për familjet në afat të gjatë.

Ky bashkëpunim midis Britanisë dhe SHBA-së për energjinë bërthamore pritet të sjellë përfitime të mëdha për të dyja vendet dhe të kontribuojë në zhvillimin e një sistemi energjetik të qëndrueshëm, të pastër dhe ekonomik.