Bilall Kasami takon ambasadorin e Austrisë, Martin Pamer

Kryetari i Komunës së Tetovës, Bilall Kasami, ka mirëpritur ambasadorin e Austrisë në Maqedoninë e Veriut, Martin Pamer. Në këtë takim u diskutua për zhvillimet politike në vend dhe në rajon, si dhe për procesin e integrimit evropian, të cilin Kasami e cilësoi si “opsionin e vetëm” për vendin.

Ai vlerësoi mbështetjen e vazhdueshme të Austrisë në këtë rrugëtim dhe theksoi se bashkëpunimi do të thellohet edhe më tej, përmes realizimit të projekteve konkrete në nivel lokal që janë në interes të qytetarëve.