Bekim Fazliu: “Botën serbe” e përfaqësonte BDI-ja në qeveri, votuesi i PDSH-së do ta votojë VLEN-in

Bekim Fazliu nga Lëvizja Arbëria, në një intervistë në Alsat-M ka thënë se kështu siç shkojnë gjërat, VLEN do të korrë fitore nga Struga deri në Likovë.

Lidhur me atë pse PDSH nuk merr pjesë në zgjedhjet lokale, ai tha se është vendim i tyre, por se ideja nuk ka pronar, kauza nuk mund të ketë pronar, vazhdon ideja e Arben Xhaferit që shqiptarët një ditë të jenë të barabartë, është e gjallë ajo ide, siç tha ai, është në Lëvizjen Arbëria.

“Kemi kontakte me ish strukturat e PDSH-së dhe gjithë ata votues do të votojnë për kandidatët e VLEN-it, sepse e ka pësuar votuesi i thjeshtë i PDSH-së, e kanë pësuar shumë nga politika e BDI-së”, tha ai.
Sipas tij, ka liderë të AKI-së që nuk flasin mes veti.
“Zijadini dhe Taravari nuk flasin mes veti, kanë përdorur fjalët më të ulëta dhe me rënda dhe ende nuk flasin, ndoshta Aliu do t’i pajtojë”, tha ai.

Lidhur me “Bota serbe” ai shtoi:

“Bota serbe” në zgjedhjet parlamentare mori goditjen fatale këtu në vend nga blloku shqiptar. U dërrmua ‘Bota serbe’. Botën serbe e përfaqësonte BDI-ja në qeveri”, nënvizoi ai.