Trump: Putin nuk do të luajë me mua

Presidenti amerikan, Donald Trump është pyetur në zyrën Ovale nga gazetarët, nëse homologu rus, Vladimir Putin ka një armë të fortë për takimin e së premtes në Alaskë.

“Epo, ai erdhi në vendin tonë,” u përgjigj Trump, shkruan Sky News.

“Mendoj se nëse nuk do të isha president, ai do të merrte kontrollin e të gjithë Ukrainës, është një luftë që nuk duhet të kishte ndodhur kurrë. Nëse unë nuk do të isha president, sipas mendimit tim, ai do të preferonte shumë më tepër të merrte kontrollin e të gjithë Ukrainës, por unë jam president dhe ai nuk do të luajë me mua.”, shtoi ai.