Taravari pret në takim Bruno Cekën: Diskutim për sfidat e shqiptarëve dhe fuqizimin e faktorit shqiptar në SHBA

Kryetari i Aleancës për Shqiptarët, Arben Taravari, ka zhvilluar sot një takim me z. Bruno Ceka, lobist dhe aktivist të njohur për çështjen shqiptare në Shtetet e Bashkuara të Amerikës.

Në fokus të takimit ishin sfidat dhe të arriturat e Kongresit Panshqiptar, rëndësia e forcimit të faktorit shqiptar në SHBA si dhe çështjet që prekin interesat e shqiptarëve anembanë botës.

Një pjesë e veçantë e bisedës iu kushtua situatës së shqiptarëve në Maqedoninë e Veriut dhe rolit të mërgatës shqiptare në forcimin e bashkëpunimit me administratën amerikane, me synimin që zëri dhe të drejtat e shqiptarëve të jenë më të fuqishme dhe më të mbrojtura.

“Bashkëpunimi, uniteti dhe angazhimi janë çelësi për të çuar përpara çështjen shqiptare kudo”, theksoi Taravari pas takimit.