Nuk arriti të shkojë as në funeral, Mirlind Daku shënoi dy gola dhe ia dedikoi gjyshit të ndjerë

Në futboll ka momente që shkojnë përtej sportit – e një i tillë ndodhi së fundmi me Mirlind Dakun në Rusi.

Pak orë para ndeshjes, Daku mori lajmin më të rëndë, për ndarjen nga jeta të gjyshit të tij të dashur. Trajneri i ofroi mundësinë të mungonte në ndeshje për të marrë pjesë në varrim, por përgjigjja e sulmuesit ishte e prerë dhe plot emocion: “Në varrim nuk mund të arrij… por mund t’i bëj një nder tjetër gjyshit tim – në fushë.”

Dy golat nuk ishin thjesht statistika për Dakun. Ishin një dedikim i pastër, një përshëndetje e fundit për njeriun që e kishte ndjekur në çdo hap të jetës së tij.

Kujtojmë se Mirlind Daku u shpallë edhe lojtar i ndeshjes.