Freddie Mercury: Vajza sekrete dhe një abuzimi seksual nga mësuesi i tij

Një sekret që Freddie Mercury e mbajti të ruajtur mirë gjatë gjithë jetës së tij po del në dritë përmes ditarëve të tij personalë, të cilët i posedon një grua me inicialin “B” që pretendon të jetë vajza e tij. Në to, vokalisti legjendar i Queen përshkruan makthin e abuzimit seksual që pësoi në moshën 14 vjeç nga mësuesi i tij në Indi, një ngjarje që shënoi përgjithmonë pashëndetin e tij mendor. Vajza e tij, e cila mbetet e panjohur për publikun për dekada, tani po zbulon përmbajtjen e ditarëve, ndërsa deklaron se është gati t’i shkatërrojë ato, pasi pronësia e tyre është e diskutueshme për shkak të kushteve ligjore në testamentin e artistit.

Historia e abuzimit

Në vitin 1961, në moshën vetëm 14 vjeç, Freddie i ri po ndiqte një shkollë me konvikt në Indi. Deri atëherë, ai kishte qenë një nxenës i shkëlqyer, pothuajse në të gjitha lëndët e tij. Papritmas, ky imazh u përmbys: ai filloi të dështonte në çdo lëndë përveç muzikës dhe artit. Për dekada të tëra, ky ndryshim mbeti i pashpjegueshëm, madje edhe për biografët e tij.

E vërteta sipas “B”-së zbulohet përmes faqeve të 17 ditarëve personalë, të cilët ai ia la vajzës së tij sekrete, fryt i marrëdhënies së tij me një grua franceze në vitin 1976. Në to, Mercury rrëfen se në moshën 14 vjeç u abuzua seksualisht nga mësuesi i tij, një ngjarje që ai e përshkruan si “kataklizmike” dhe që shpjegon kthesën dramatike në sjelljen dhe performancën e tij në shkollë. Kjo përvojë, siç shkroi ai, e la me pasoja përgjithmonë dhe kontribuoi në introversionin që karakterizonte jetën e tij personale, në kontrast me praninë e tij shpërthyese në skenë.

Gruaja, e njohur vetëm me inicialet “B”, e mbajti identitetin e saj sekret për vite me radhë. Tani ajo ka vendosur të ndajë një pjesë të përmbajtjes, duke theksuar se ditarët janë lidhja e vetme dhe më e drejtpërdrejtë me të atin. Në të njëjtën kohë, zbulimet e tyre formuan bazën për librin “Jeta aekrete dhe dashuria e Freddie Mercury”, i cili regjistron aspekte të panjohura të jetës së tij.

Megjithatë, çështja është e ndërlikuar. Autorja Leslie-Ann Jones zbuloi së fundmi se pronësia e ditarëve është e diskutueshme, pasi testamenti përfshin terma që krijojnë dyshime ligjore. Duke folur publikisht, ajo theksoi se “B” nuk mund të shfaqet hapur sepse do të përballet me pretendime të mundshme. Megjithatë, raportohet se ajo ka deklaruar se nuk do t’i dorëzojë kurrë fletoret dhe se “do t’i djeg para se dikush tjetër t’i marrë”.

Ky kërcënim ka shkaktuar reagime, pasi dorëshkrimet konsiderohen të vlefshme për të kuptuar jetën dhe psikikën e njërit prej artistëve më të mëdhenj të shekullit të 20-të. Megjithatë, për “B”, ditarët nuk janë vetëm material historik, por një thesar personal dhe dëshmi e babait që ajo nuk pati kurrë mundësinë ta takonte.

Çështja i shton një dimension tjetër dramatik jetës tashmë enigmatike të Freddie Mercury. Nga abuzimi në fëmijëri që i shënoi adoleshencën e deri te polemika aktuale rreth ditarëve, historia e tij vazhdon të zbulojë aspekte të errëta dhe të panjohura, duke treguar se si pas legjendës skenike fshihej një burrë me plagë të thella dhe të pashërueshme. /tesheshi.com/