Avioni bie dhe shpërthen në flakë! S’ka asnjë të mbijetuar

Një ngjarje e rëndë ka ndodhur në Itali, mes komunave Crescentino dhe Livorno Ferraris, ku një avion i vogël është rrëzuar në mënyrë tragjike, duke i marrë jetën dy personave.

Viktimat janë babë e bijë, të cilët ndodheshin në bord gjatë fluturimit. Sipas raportimeve, avioni ka rënë në tokë me shpejtësi të lartë, duke shpërthyer më pas në flakë, çka ka bërë të pamundur shpëtimin e tyre.

Menjëherë në vendngjarje kanë mbërritur forcat zjarrfikëse dhe policia, të cilët janë angazhuar në shuarjen e zjarrit dhe nisjen e hetimeve për të zbardhur shkaqet e kësaj tragjedie ajrore.

Autoritetet italiane janë ende duke hetuar nëse rrëzimi erdhi si pasojë e ndonjë defekti teknik apo ndonjë gabimi njerëzor. Ngjarja ka tronditur komunitetin lokal dhe ka sjellë në vëmendje sërish rrezikun që shoqëron fluturimet me avionë të vegjël privatë.