Connect with us

Lajme

Ali Ahmeti: Skender Rexhepi – Zejd kandidati i ynë për qytetin e Shkupit

Publikuar

para 10

më

zejdi

Kreu i BDI-së. Ali Ahmeti ka njoftuar sot vendimin e përbashkët për kandidatin e përbashkët për Kryetar të Qytetit të Shkupit. Kandidatura i është besuar z. Skender Rexhepi – Zejd, një emër i njohur në skenën politike dhe civile të Maqedonisë së Veriut.

“Z. Rexhepi është Kryetar i partisë politike “Lëvizja Populli”, i diplomuar në Fakultetin Filozofik, me një përvojë të gjatë dhe të dëshmuar në sektorin civil dhe shoqërinë civile. Ai aktualisht ushtron funksionin e deputetit në Kuvendin e Republikës së Maqedonisë së Veriut, ku ka qenë zëri i paepur i qytetarëve, mbrojtës i të drejtave të tyre dhe avokat i reformave të thella politike dhe shoqërore.

Kandidatura e tij përfaqëson jo vetëm unitetin e forcave progresive të shqiptarëve në Maqedoninë e Veriut, por edhe një alternativë të qartë për Shkupin, një qytet që meriton zhvillim të barabartë, qeverisje transparente dhe gjithëpërfshirëse.
Besëlidhja Aleanca Kombëtare për Integrim është e bindur se me z. Skender Rexhepi – Zejd, Shkupi do të ketë një kryetar që njeh realitetin, dëgjon qytetarin dhe punon për të gjithë, pa dallim”, shkruan në një postim kreu i BDI-së Ali Ahmeti./ZYRTARE.net
Etiketimet:
Advertisement

NA NDIQ NË FACEBOOK