Ali Ahmeti: Ç’më thoshte Arbër Xhaferi…

Në përvjetorin e 13-të të largimit nga kjo botë të Arbër Xhaferit, Ali Ahmeti ka ndarë në rrjete sociale një fotografi të shkrepur vite më parë me njeriu që përfaqësonte figurën më të madhe politike të faktorit shqiptar në Maqedoni, për ironi, gjer në zbehje prej tij, pas luftës së 2001-shit. Prej atëhere, BDI zë vendin e PDSH-së dhe ideologu kombëtar Xhaferi nis të dublohet nga luftëtari Ahmeti, me një diferencë të thellë intelektuale mes të dyve.

“Një mendje e kthjellët dhe mik i urtë”, thotë Ali Ahmeti për Arbën Xhaferrin, i cili ndërroi jetë më 15 gusht 2012 në Shkup nga një hemoragji cerebrale.

Ja ç’shkruan ai:

“Edhe pse kanë kaluar 13 vjet nga ndarja e tij nga jeta, mungesa e Arbën Xhaferit ndjehet njësoj.

Gjatë luftës së vitit 2001, kur kombi kishte nevojë për unitet, ai ishte aty për të bashkërenduar veprimet tona.

As pas luftës, takimet dhe bashkëpunimi ynë nuk u ndalën.

Shpesh më thoshte: ‘Më konsidero si vëlla të madh’. Dhe, ashtu ishte, një vëlla i madh, një mik i urtë dhe një mendje e kthjellët që e donte kombin mbi gjithçka.

I përjetshëm kujtimi për Arbën Xhaferin!”.

Kujtojmë se PDSH-ja e Arbër Xhaferit u trashëgua nga Menduh Thaçit, i cili e çoi këtë forcë politike nga dështimi në dështim, duke e çfaktorizuar tërësisht. /tesheshi.com/