Tmerr në areoportin e Bergamos: i riu përpihet nga motori i aeroplanit

I gjithë trafiku në Aeroportin e Bergamos pranë Milanos u pezullua të martën në mëngjes pasi një person 35-vjeçar vdiq kur u përpi nga motori i një aeroplani që po përgatitej të ngrihej.

Sipas informacionit të disponueshëm deri më tani, viktima hyri qëllimisht në zonën operative të aeroportit me synimin që t’i merrte jetën vetes.

Viktima, i cili nuk ishte as pasagjer dhe as punonjës i aeroportit, arriti të anashkalonte kontrollet e sigurisë dhe të vraponte drejt aeroplanit që ishte tashmë në lëvizje.

Policia vuri re sjelljen e tij të dyshimtë, por nuk mundi ta ndalonte në kohë. Zjarrfikësit gjithashtu mbërritën në vendin e aksidentit, raportoi agjencia italiane e lajmeve ANSA.

Shërbimet kompetente po kryejnë një hetim për të sqaruar rrethanat e kësaj tragjedie dhe për të përcaktuar se si viktima shmangu masat e sigurisë.

Trafiku ajror rifilloi rreth mesditës, pasi hetimi policor përfundoi.

Flights were suspended at Bergamo-Orio al Serio Airport in northern Italy after a person reportedly ran onto the tarmac and was sucked into a plane’s engine, according to local media.

The airport authority, SACBO, said operations halted at 10:20 a.m. due to a “taxiway… pic.twitter.com/n5Vgk9d1Gy

— Clash Report (@clashreport) July 8, 2025

Një nga dëshmitarët që vëzhgoi gjithçka ndërsa priste të hipte në një fluturim aty pranë deklaroi: “Ne po përpiqeshim të ngjiteshim shkallët kur pamë gjithçka.”

Pasagjerët duhej të qëndronin në aeroplan derisa mbërritën zjarrfikësit dhe policia. Kaluan rreth pesëdhjetë minuta, gjatë të cilave ata shpjeguan se çfarë kishte ndodhur, përpara se të zbrisnin, sepse fluturimi i tyre ishte anuluar.