BDI në krizë: Kandidimi i Bajram Rexhepit “për sy e faqe” në Tetovë

Kandidimi i Bajram Rexhepit nga BDI për kryetar të Tetovës po perceptohet gjerësisht si një përpjekje formale dhe jo serioze për të garuar për këtë komunë, shkruan Zyrtare.net

Kjo vlerësim mbështetet edhe nga rezultatet e fundit të anketës së publikuar nga UBO Consulting, ku Rexhepi renditet shumë poshtë në listën e preferencave të qytetarëve.

Sipas sondazhit, kryetari aktual Bilall Kasami prin me një përkrahje të fortë publike, falë mandatit të tij katërvjeçar që, sipas qytetarëve, është shoqëruar me punë dhe angazhim konkret.

Nga ana tjetër, ky vendim për të kandiduar Rexhepin jep përshtpyje se BDI përballet me një krizë të thellë kuadrosh. Vendimi për të nxjerrë Bajram Rexhepin si kandidat duket më tepër si një veprim për të plotësuar formalitetet, sesa një tentativë serioze për të fituar.

Brenda opinionit publik është krijuar përshtypja se figura të tjera brenda partisë kanë hezituar të përballen me Kasamin, duke reflektuar një mungesë besimi në fitore. Kjo situatë e vendos BDI-në përballë një sfide të madhe për të rikthyer kredibilitetin në Tetovë.

Për më tepër, anketa tregon se edhe deputeti i Frontit Europian, Ilir Demiri, gëzon mbështetje më të madhe sesa kandidati i BDI-së.

Rezultatet e sondazhit të UBO Consulting:

• Bilall Kasami – 43.7%

• Ilir Demiri – 24.6%

• Bajram Rexhepi – 3.9%

• Miqireme Rusi – 2.2%

• Tjetër – 1.5%

• Nuk e di / I pavendosur – 7.5%

• Asnjërin – 15%

• Refuzoj të përgjigjem – 2.3