Vdes në QKUK burri i aksidentuar në Sllovi të Lipjanit

Ka ndërruar jetë në Qendrën Klinike Universitare të Kosovës burri që ishte lënduar rëndë në një aksident trafiku më 26 qershor në fshatin Sllovi të Lipjanit.

Sipas raportit 24-orësh të Policisë së Kosovës, viktima ndërroi jetë dy ditë pas aksidentit, më 28 qershor, teksa po trajtohej në QKUK.

“Më 28.06.2025 në QKUK ka ndërruar jetë një mashkull kosovar, i cili ishte duke u trajtuar pasi ishte lënduar gjatë një aksidenti trafiku që kishte ndodhur më 26.06.2025”, thuhet në raportin policor.

Me vendim të prokurorit, trupi i pajetë është dërguar në Institutin e Mjekësisë Ligjore për obduksion.

Policia ka nisur hetimet për zbardhjen e plotë të rrethanave të aksidentit./Insajderi