Konflikti Izrael-Iran vetëm fillimi?! Tmerrojnë ekspertët: Bëhuni gati, tani na pret …

Tensionet e ngritura mes Izraelit dhe Iranit pas sulmeve të ndërsjella mund të jenë në prag të një përshkallëzimi të rrezikshëm, duke u zhvilluar sipas skenarit më të keq që mund të përfshijë një konflikt më të gjerë rajonal. Këtë paralajmërim e ka dhënë Hicheme Lehmici, sekretar i GIPRI-t dhe ligjërues në Institutin e Shkencave të Aplikuara të Universitetit Zviceran UMEF, në një prononcim për agjencinë ruse të lajmeve TASS.

Sipas ekspertit, ritmi i përshpejtuar i sulmeve izraelite kundër Iranit, pa ndonjë shenjë për ulje të tensioneve, është shumë alarmant dhe tregon një kurs të qartë drejt një lufte të përgjithshme midis dy vendeve. Lehmici shpjegoi se sapo të fillojë një luftë e tillë, Shtetet e Bashkuara të Amerikës do të përfshihen padyshim. “Dhe atëherë rreziku i materializimit të një skenari apokaliptik do të ishte shumë real. Ne rrezikojmë të shohim ose një skenar të tipit Irak për Iranin ose, nëse rezistenca e Iranit rezulton më e fortë, ndoshta një rajonizim të konfliktit, i cili mund të ndikojë në të gjithë territorin nga Izraeli në Iran, duke përfshirë Libanin, Sirinë, Irakun dhe ndoshta vendet e Gjirit”, beson Lehmici.

“Operacioni Lion në Ngritje” dhe intensiteti i sulmeve

Gjatë natës së 13 qershorit, Izraeli nisi Operacionin “Lion në Ngritje”, i cili synonte programin bërthamor të Iranit. Forcat Mbrojtëse të Izraelit (IDF) thanë se 200 avionë luftarakë sulmuan më shumë se 100 objektiva në Iran, duke përfshirë edhe objekte bërthamore. Ky operacion, i ndërmarrë si kundërpërgjigje ndaj avancimit të programit bërthamor iranian dhe sulmeve të mëparshme të Iranit ndaj Izraelit, ka rritur ndjeshëm frikën e një konflikti më të gjerë rajonal.

Analiza e ekspertit Lehmici thekson rrezikun e madh që mbartin këto zhvillime, duke paralajmëruar për një përshkallëzim të mundshëm që mund të destabilizojë të gjithë Lindjen e Mesme. Komuniteti ndërkombëtar po ndjek me shqetësim të shtuar situatën, duke bërë thirrje për përmbajtje maksimale dhe përpjekje diplomatike për të shmangur një katastrofë të mundshme rajonale.