“Ju kërkoj falje” – Ç’po ndodh me Joz Markun?

Në orët e para të mëngjesit të sotëm, këngëtari i njohur Joz Marku ka ndarë një mesazh të drejtpërdrejtë me ndjekësit e tij në platformën Instagram, duke kërkuar ndjesë për vonesat dhe mungesën e komunikimit në mesazhet private (DM).

“Mirëmëngjes. E vlerësoj dhe e çmoj shumë mbështetjen dhe dashurinë tuaj në DM, dhe kërkoj falje që në mungesë të kohës nuk mundem t’ju kthej dhe përgjigjem”, shkruan ai në postimin e tij në Instagram, duke shprehur mirënjohjen për mbështetjen e vazhdueshme të fansave.

Duke e shoqëruar këtë ndjesë me një ton miqësor dhe të hapur, Jozi shton në mesazhin e tij: “Sot do mundohem t’ju përgjigjem shumicës prej jush, po ju lej t’më pyesni a thoni ç’të doni ju.” Kjo ftesë e këngëtarit për ndjekësit e tij pritet të gjenerojë interes të shtuar në profilin e tij në Instagram gjatë ditës së sotme.

Ky postim i Joz Markut ka ngjallur kuriozitet të veçantë në media dhe mes fansave, pasi pritet që ai të mund të japë përgjigje sqaruese për disa nga ngjarjet e fundit që e kanë lidhur me emra të tjerë të njohur të showbiz-it shqiptar, siç është rasti i Loredana Brati, apo deklarata e bujshme e reperit Ledri Vula, i cili pak ditë më parë u shpreh publikisht se nuk do të bashkëpunonte me Jozin në ndonjë projekt muzikor të ardhshëm. Pritet me interes se cilat do të jenë përgjigjet dhe sqarimet e këngëtarit gjatë ditës së sotme në rrjetet sociale.