E FUNDIT – SHBA përfshihet në luftë! Mediat nxjerrin zbuluar prapaskenat e sulmit të fundit

Shtetet e Bashkuara kanë ofruar ndihmë Izraelit gjatë sulmeve me raketa të nisura nga Irani si kundërpërgjigje ndaj sulmeve izraelite ndaj objekteve bërthamore dhe udhëheqësve ushtarakë iranianë.

Një zyrtar amerikan, i cili preferoi të mos identifikohej për të diskutuar operacionet në vazhdim, nuk specifikoi formën e ndihmës së ofruar nga SHBA, raportoi “AP”. Megjithatë, ai theksoi se avionët luftarakë të Forcave Ajrore të SHBA-së dhe sistemet e mbrojtjes raketore me bazë në shkatërrues kanë përgjuar raketa në sulme të mëparshme.

Shtetet e Bashkuara kanë qenë duke zhvendosur asete më afër Izraelit me qëllim të asistimit në përgjimin e raketave dhe për të siguruar një mbrojtje më të mirë të bazave amerikane në rajon. Ky zyrtar foli në kushte anonimiteti për të diskutuar operacionet që po zhvillohen.

Ndërkohë, Shtëpia e Bardhë ka njoftuar se Presidenti Donald Trump ka përfunduar takimin e tij me këshilltarët e Këshillit të Sigurisë Kombëtare për të diskutuar operacionet e Izraelit. Zyrtarët nuk kanë dhënë detaje specifike mbi aspekte të veçanta të bisedimeve të Trumpit me këshilltarët e tij të lartë në Dhomën e Situatës në Shtëpinë e Bardhë, as edhe kohëzgjatjen e takimit.

Në zhvillime të tjera, paramedikët izraelitë raportojnë për pesë persona të plagosur në zonën e Tel Aviv – një në gjendje të mesme dhe katër të tjerë me lëndime të lehta nga copëzat e predhave. Kjo tregon se sulmet iraniane kanë shkaktuar edhe viktima në Izrael.