Kosovë
Bashkëshorti i asamblistes së VV-së që mbështeste Rozeta Hajdarin, rehatohet me pozitë në MINT
Kastriot Xhafiqi, bashkëshorti i asamblistes së partisë në pushtet, Vetëvendosjes, Laureta Tafajt, është pranuar me një pozitë në Ministrinë e Industrisë dhe Tregtisë. Tafaj kishte qenë mbështetëse publike e ministres Rozeta Hajdari gjatë zgjedhjeve të fundit. Kjo ka ngritur dyshime për konflikt interesi, ani pse vetë Tafaj ka mohuar çdo ndikim në punësimin e bashkëshortit. Nga ministria nuk kanë kthyer përgjigje. Insajderi sjell detaje.
Gazeta Insajderi
Ministria e Industrisë, Ndërmarrësisë dhe Tregtisë, më 3 qershor, ka publikuar rezultatet e konkursit për pozitën “Inspektor i Tregut”.
Për këtë pozitë ishin shpallur gjithsej 16 vende të lira pune, ndërsa janë pranuar katër kandidatë: Zgjim Tahirsylaj, Kastriot Xhafiqi, Ilir Gashi dhe Islam Berisha.
Në listën e të pranuarve, i dyti renditet Kastriot Xhafiqi. Ai kishte arritur 58.2 pikë në testin me shkrim dhe 27 pikë në intervistë, me gjithsej 85.2 pikë.
Gazeta Insajderi ka mësuar se Kastriot Xhafiqi është bashkëshorti i Lauretës Tafaj, asambliste e Lëvizjes Vetëvendosje në Komunën e Suharekës.
Tafaj ka shërbyer si asambliste e VV-së për dy mandate në këtë komunë.
Në zgjedhjet e 9 shkurtit, ajo kishte shprehur publikisht mbështetje për Rozeta Hajdari, duke shpërndarë edhe postime me numrin kandidues të ministres.
Gazeta Insajderi ka kërkuar përgjigje nga kjo Ministri nëse rasti i punësimit të Kastriot Xhafiqit përbën konflikt interesi. Deri në publikimin e këtij teksti, nuk ka pasur ndonjë përgjigje.
Insajderi ka kontaktuar edhe me asamblisten Laureta Tafaj, e cila ka mohuar çdo përfshirje në këtë proces.
“Dua të theksoj qartë se unë nuk kam pasur as një ndikim apo përfshirje në lidhje me procesin e punësimit të Kastriotit. Ai ka aplikuar ne menyrë të pavarur në disa konkurse përgjatë viteve të fundit.
Pozita ime ne Asamble Komunale tashmë në fund të mandatit të dytë asnjëherë nuk ka ndikuar në punësimin e asnjë individi në as një nivel as komunal e as qëndror sepse kurrë nuk e kam përdor pozitën time për gjëra të tilla”, tha Tafaj.
Insajderi ka provuar të kontaktojë edhe me Kastriot Xhafiqin, por ai nuk figuron me ndonjë profil të identifikueshëm në rrjete sociale. Insajderi.org
Vuçiq përdori faljet presidenciale për të shpëtuar të akuzuarit, kërkohet hetim ndaj tij
Vetëm 62% e popullsisë e vaksinuar kundër fruthit, IShP paralajmëron rrezikun e epidemisë
VIDEO/ Pas tensioneve në protestë, Edison Lika dhe Dritan Goxhaj lihen të lirë nga policia
Rrahmani: Ka kaluar koha e dorëheqjeve, tani është koha e shkarkimeve
Kostovski përdor patronatin e shkollës “Penko” për politikë, drejtoresha kritikohet nga prindërit!
Zgjedhjet në SHBA, Merz nuk pret ndryshim nga Trump: Ka qeverisur duke anashkaluar Kongresin
“Mendoj se ka ardh koha”: Deputeti i LDK-së pritet të kandidojë për kryetar të partisë
Biblioteka e re e Tetovës 80% gati, por me dyer të mbyllura! Miliona denarë e premtime pa afat për objektin e Teatrit dhe Bibliotekës
Gazetari paralajmëron: PD rrezikon të zhduket, opozita duhet të dalë me një kandidaturë të përbashkët në Tiranë
Ramaj: Policia kishte përgjegjësi ta mbronte Arlindën, jo vetëm ta dërgonte në shtëpi
Bogojevski: “Shqiptarët nuk i lejojnë gratë të turpërohen në kafene”, sulmon burrat maqedonas dhe kërkon kontrollin e grave
