Arben Taravari: Kombi është detyrim!

Lideri i Aleancës për Shqiptarët, Arben Taravari, ka përkujtuar 5 Majin – Ditën e Dëshmorëve – me një mesazh në rrjetet sociale, duke theksuar rëndësinë e kësaj dite për kombin shqiptar.

“5 Maji, Dita e Dëshmorëve, është ditë e veçantë – në të cilën nderojmë sakrificën e dëshmorëve të kombit shqiptar”, ka shkruar Taravari.

Ai ka shtuar se kjo ditë duhet të na kujtojë përgjegjësinë që kemi ndaj kombit: “Në këtë ditë të veçantë si është kjo e Dëshmorëve të Kombit nderojmë sakrificën e tyre duke kujtuar që Kombi është Detyrim!”