Zekolli: Takim konstruktiv me BNJVL-në, nevojitet procedurë e unifikuar për vendosjen e pajisjeve urbane në të gjitha komunat

Zëvëndësministrja e Transportit dhe Lidhjeve, Kaltrina Zekolli Shaqiri, ka njoftuar që sot është takuar me përfaqësues të BNVJL-së me të cilët kanë diskutuar nevojën e një procedure të unifikuar për vendosjen e pajisjeve urbane në të gjitha komunat.

“Së bashku me ministrin Aleksandar Nikolloski, zhvilluam një takim konstruktiv me BNJVL-në, ku diskutuam për nevojën e një procedure të unifikuar për vendosjen e pajisjeve urbane në të gjitha komunat. Do të themelojmë një grup pune të përbashkët për hartimin e një Rregulloreje të re, që do të mundësojë standardizim, transparencë dhe efikasitet në këtë proces. Komunat janë partnerë të rëndësishëm për Ministrinë e Transportit, bashkëpunimi ynë do të jetë kyç në ndërtimin e zgjidhjeve funksionale për qytetarët”, ka shkruar zëvëndësministrja Zekolli.