Tragjedi/ Tjetër aksident ajror, ka viktima. Ja ku ka ndodhur

Një avion i vogël u rrëzuakëtë të diel në një fabrikë në Gjermaninë veriore, nga ku kanë gjetur vdekjen piloti dhe bashkëpiloti, sipas policisë.

Sipas mediave të huaja, avioni u ngrit nga fusha ajrore në Salzgitter-Drütte dhe u rrëzua në vendin e fabrikës së çelikut në Salzgitter pas një fluturimi të shkurtër, tha një zëdhënës i brigadës së zjarrfikësve.

Salzgitter AG është një nga prodhuesit më të mëdhenj të çelikut në Gjermani.

Shkaku i saktë i përplasjes fillimisht nuk ishte i qartë, por një zëdhënës i policisë theksoi se supozohej të ishte një aksident.

Avioni u rrëzua në një rrip të ngushtë midis dy sallave dhe mori flakë, tha menaxheri i operacioneve të brigadës së zjarrfikësve, Arno Sicks.

Ai tha se vetëm pjesë të krahëve mund të shiheshin përmes tymit të dendur, duke përshkruar atë që mbeti si një “kornizë çeliku e djegur”.

Sicks theksoi se rreth 90 persona nga stafi i shërbimeve të urgjencës dolën në vendin e ngjarjes, që ndodhej rreth 50 kilometra në lindje të Hanoverit, dhe se paramedikët shpallën të vdekur dy burrat në aeroplan, pasi zjarri u shua.

Ndërkoë një zëdhënës i Salzgitter bëri të ditur se vetëm dëme të vogla u shkaktuan në ambientet e kompanisë dhe prodhimi nuk u prek.

Zyra federale e hetimit për aksidentet ajrore në qytetin e afërt të Braunschëeig po heton shkakun e rrëzimit.